Քնի կաթվածը տեղի է ունենում քնելու կամ գիշերային քնից հետո արթնանալու ժամանակ, բայց գործնականում չի առաջանում ցերեկային քնից արթնանալու ժամանակ: Դրվագը առավել հաճախ տեղի է ունենում պառկած դիրքում և բնութագրվում է կամավոր շարժումներ անելու և բառ արտասանելու անկարողությամբ, հնարավոր է միայն աչքերի շարժումներ։ Այն ուղեկցվում է խուճապի, մահվան վախի, լեթարգիական քնի մեջ ընկնելու, շնչահեղձության և օդի պակասի զգացումով, արագ սրտի բաբախումով, քրտնարտադրությամբ և տարածության մեջ ապակողմնորոշվածությամբ։ Վիճակը տևում է վայրկյաններ, ավելի հազվադեպ՝ մի քանի րոպե և անմիջապես անհետանում է այն բանից հետո, երբ կարողանում ես առանձին շարժումներ կատարել, օրինակ՝ փոքր մատդ շարժել:
Հալյուցինացիաներ նոպայի ժամանակ
Կաթվածի դրվագները երբեմն ուղեկցվում են տարբեր հալյուցինացիաներով քնելու (հիպնագոգիկ) և արթնանալու ժամանակ (հիպնոպոմպիկ): Դրանք ներկայացնում են տեսողական, լսողական, շոշափելի և ավելի հազվադեպ՝ համային կամ հոտառական բնույթի խանգարումներ, դրանք հաճախ վախեցնող բնույթ են կրում, առաջացնում են ընդգծված հուզական ռեակցիա և մարդկանց մեջ ստեղծում մենակ, մթության մեջ քնելու վախ: Մարդիկ նկարագրում են սենյակում ինչ-որ մեկի ներկայության զգացումը, կրծքավանդակի վրա ճնշումը և տարածության մեջ սեփական մարմնի շարժումը: Միայն 20%-ի դեպքում է քնի կաթվածն ուղեկցվում հաճելի սենսացիաներով՝ թռիչք, էյֆորիա և այլն։
Լրացուցիչ ախտանիշներ
Քնի կաթվածը կարող է զուգակցվել ցերեկային քնկոտության, հոգնածության, մղձավանջների, գիշերային արթնությունների և միգրենի գլխացավերի հետ: Այս դեպքում պետք է բացառել նարկոլեպսիան։ Բնութագրվում է ցերեկային անդիմադրելի քնկոտությամբ և կատապլեքսիայով՝ կմախքի մկանների տոնուսի կարճատև (2 րոպեից պակաս) երկկողմանի և սիմետրիկ անհետացման վիճակ՝ գիտակցությունը պահպանելով, որն առաջանում է ուժեղ հույզերից (ծիծաղ, վախ): Այս հիվանդությունը պահանջում է նյարդաբանի դիտարկում։
Աղբյուր՝ Сонный паралич
Ռուզաննա Բաբաջանյանի բլոգ 